შენი სახლი ჯიქიაზე

თანამედროვე საცხოვრებელი კომპლექსი საბურთალოზე, რომელიც აერთიანებს კომფორტულ საცხოვრებელ გარემოს, გამწვანებულ რეკრეაციულ სივრცეებსა და მრავალფუნქციურ კომერციულ ინფრასტრუქტურას.

„შენი სახლი ჯიქიაზე“ საბურთალოზე, ანა პოლიტკოვსკაის ქუჩა №3-ში მდებარეობს. ეს არის თანამედროვე საცხოვრებელი კომპლექსი, რომელიც აერთიანებს კომფორტულ საცხოვრებელ გარემოს, გამწვანებულ რეკრეაციულ სივრცეებსა და მრავალფუნქციურ კომერციულ ინფრასტრუქტურას.

კომპლექსი „შენი სახლი ჯიქიაზე“ შექმნილია მაცხოვრებლების ყოველდღიური საჭიროებების გათვალისწინებით. პროექტი მოიცავს 7 კეთილმოწყობილ და გამწვანებულ სკვერს, ბავშვთა გასართობ სივრცეებს, კალათბურთისა და ფეხბურთის მოედნებს, ასევე „ცუგა პარკს“ ოთხფეხა მეგობრებისთვის.

ჩვენი კომპლექსის ტერიტორიაზე ბევრ საინტერესო ნამუშევარს აღმოაჩენთ: ფერად-ფერად ნახატებს, მეორადი მასალის გამოყენებით შექმნილ მხატვრულ ელემენტებს, პატარა ქანდაკებებსა და ხელნაკეთ დეტალებს, რომლებიც ხელოვანთა ჯგუფმა სპეციალურად ჩვენი კომპლექსისთვის შექმნა.

როგორც კომპლექსის გარე სივრცე, ისე სახლების სადარბაზოებიც განსხვავებული ხასიათითა და შინაარსით დავტვირთეთ. მხატვართა ჯგუფის დახმარებით, სადარბაზოების კედლებზე ქართული ანდაზები და მათი გმირების ილუსტრაციები გავაცოცხლეთ, რათა ყოველდღიური სივრცე მაცხოვრებელებისთვის უფრო სასიამოვნო და დამაფიქრებელი გაგვეხადა.

კომპლექსის ტერიტორიაზე ფუნქციონირებს სხვადასხვა დანიშნულების სავაჭრო და მომსახურების ობიექტები – აფთიაქი, მარკეტი, საკონდიტრო, ყვავილების და საბავშვო მაღაზიები, კაფეები, სამუშაო სივრცეები და სხვა.

დღეს „შენი სახლი ჯიქიაზე“ 3000-ზე მეტ ადამიანს აერთიანებს.